تسليم التقارير الوصفية

وش سالفة التقارير اللي يبغونها اليوم حرام والله تعبنا من التعاميم اللي فجأة تطلع
احنا مش آلة في دقيقة بنخلص واذا ماقدمناها في وقتها عطونا انذار
ليش مايعطونها هي انذار على انها ماعطتنا خبر ان اليوم لازم انسلم التقارير....
لكن انا واثقة من نفسي اني اللي اسويه صح...
وفالــــي بيرق التوفيق
طبعا وياكم

انت صح يا واثقة من نفسك......لكن لا حياة لمن تنادي ....أوراق في أوراق .أتمنى والكل يتمنى اننا ننجز شيء من ورا هالاوراق......... ويكون التنظيم أساس كل عمل ونطمح ان يكون شعارنا (مدرسة بلا أوراق) وبتواصلكم يستمر العطاء.....تحياتي الى أحلى مديرة

اشكرج يا صمت الجروح على الرد .. وعلى قولتج كل أوراق في أوراق وماتفيدنا بأي شي هالاوراق ..

اشكرج .. وع القوة يا معلمات سعود ..

تحياتي لكم ......وكلامك صح يا واثقة من نفسي..........بس من يسمعنا...لنا الله
ربك كريم....

يعطيج العافية يا مجموعة انسان

باقول لكم شيء يا مدرسات سعود..معظكم يا مدرسات ..سواء عطوكم الخبر قبلها بمدة أو قبلها بيوم...راح تسوون اللي عليكم...تشتكون وتعترضون لكن تشتغلون..تعرفون ليييييش؟؟لأن اللي يهمكم في الأول ..مصلحة الطالب ومصلحة سعود..بس نعيد ونزيد
( النظام والتنظيم)..أساس كل شيء..وهاي شيء بسيط ..محتاج الى شوي من التعاون والحب..أدامكم الله لنا ودمتم فخراً لنا ..... وفالكم طيييييييييييب
تحياتي وحبي لكم

يعطيج العافية مجموعة انسان واسلوبج الحلو واللي قلتيه (النظام والتنظيم) احنا فاقدينه والله
...وتسلمين على الرد يا مجموعة انسان....

فالج التوفيق وع القوة...يا مدرساتنا..

النقـد بقصـد التبيـين والإصلاح حلو خصـوصاً إذا كان في محلـه
لذا المرحلة التالية من النقد هي محاولة اصلاح الخطا بابلاغ المسؤول الأعلى بطريقة ديمقراطية عن طريق وثيقة تسلم بعد توقيعها من جميع المعترضات بهدف إتخاذ الإجراءات لعدم تكرار هذا الخطـأ.............................
بس في شيء مهم جداً ؟؟؟؟؟؟؟؟؟؟؟؟؟؟؟؟؟؟؟
الجـدول العام للمدرسـة ( التقويم العام ) موجود فيه أصلاً تبيين لأيام الاختبارات الوطنية بالإضافة للإجـازات
وأيضاً موجود موعد ( تسليم التقارير الصفيـة ) معناته المفروض انكم مجهزين التقارير لتسلم في مثل هذا اليـوم ......... ؟
والإ أنـا غلطـانة ..... أرجـو التوضيـح من قبل المعلمـات

النقد يقصد الإصلاح ..كلام جميل ويدل على وجود ناس فاهمين ...وصح كلامك ان في calander موجود ومدون الأشياء الواجب تسليمها وبالتواريخ ..( لكن الذكرى تنفع المؤمنين) وأصلاً التقارير المفروض تسليمها ..بشهر مارس ..وإحنا الحين بأواخر أبريل..يعني في تأخير ..ويفترض إحنا كمسؤلين نبلغ عن أي تأخير أو تعديل ..لأن calander مش كتاب مقدس وشرط يتحقق في كل شيء..
وخاصة ان التقارير لازم تكون فيها مصداقية وتحتاج وقت وانشاءالله نتلافى كل خطأ قد يحصل والمفروض الكل ..لاحظوا الكل يعتبرويتعلم من الأخطاء السابقة وخاصة إن إحنا مرينا فيها خلال الفصل الاول..وخلو في بالكم ما في شيء مثالي لكننا نطمح إليه إنشاء الله ..
والحمدلله سلمنا التقارير وفي الوقت.. وحصل خير ...

أنا معاج يا متغلية لكن النائبة الاكاديمية متى سلمتنا التقارير ؟؟؟؟؟؟؟؟؟؟

سلمتنا اياها متأخرة وطلبتها منا بعد يومين انسلمها ؟؟؟؟؟يعني احنا ما ورانا شي غيرها ماعندنا بيوت واعيال وتسلمين ع رآيج يا متغلية....

مع حبي لكم....

يا ناس افتكينا من التقارير وجاتنا الخطط وبعدين يا النائبة الأكاديمية .. ما عندنا شغل إلا انتي