(( .. إنكـسـاري .. ))

هالقصـيدة أمـوووت فيهـا .. اقرووها وكل عضـو يختـار أكثر بيت أعجـبه ويحطـها في الردود .....

أنكسرت من الفراق وشوف عيني = شوف عيني وأنت تدري بنكساري
كل ما مديت لوصالك يميني = رحت تتجاهل يميني مع يساري

حتى صرت أشوف جرحك في يديني = في يديني لجور صداتك مواري
حس فيها لا بلاها حس فيني = لاتعبرها.. ولكن رد اعتباري

وين مقفي ؟؟ جعل منت بمنتويني = بالجفا..والخوف.. وأنواع العزاري
يا هلي.. يا نصف ربعي.. يا خديني = يا مواني غربتي.. يا روح داري

يا شموخي.. يا أنكشافي.. يا دفيني = يا علوي.. يا بقائي.. يا أنحداري
يا بداياتي.. يا مائي.. يا أوكسجيني = يا أندثاري.. يا أعتدالي.. يا أزدهاري

يا بلادة حسي وقمة حنيني = يا أختياري لا.. ياعشواء أختياري
أعشقك من عادني فأول سنيني = لين صرت آخذ مع نفسي قراري !!

من عرفتك وأنت ثالث والديني = واللجوء إليك يعني لك فراري"
ضمني خل الضرر بينك وبيني =الضرر من ضميتك شي إضطراري

خل يدينك من الجور تحميني = من جمودي عيشني لين أنصهاري
كل ما ضاقت بعيني يا معيني = أبتسمت وصار لي ليلي نهاري

لا سكت تروح بالطيش تحكيني = رجعي بطبعك وبسلوبك حضاري
ما ذبحني فيك الا انك تبيني = وما سحرني الا حكاك الاستعاري

لا حكيت آحس بأشيا تعتريني = ويخشع قلبي وتطريلي طواري
آعشق حكيك وأحفظه يا ضنيني = حفظ أبن تيميه لحكي البخاري

ولا سكت أحط يدي في جبيني = وأرجي الله ما يطول بإنتظاري
أدري أني عندك وأسألك ويني = داري لكن ما كني بداري

لين شيطاني تلفظ كلمتيني = ورحت مني ما تبي سمع أعتذاري
ولا تبكيني وتفرح عاذليني = لا تخسرني بعد كبر أنتصاري

لا تخليني بعد فيضة كنيني = وأنت خابرني على الوصل أنتحاري
لا تروح بروحتك كل يجيني = ماني مكابر ولا حتى مداري

((..أنكسرت من الفراق .. وشوف عيني = شوف عيني.. وأنت تدري بإنكساري ..))!!!

وسلامتكـم