شنو رايك في مديرك؟

مهما كانت وظيفتك .....شنو رايك في مديرك؟؟
اكتب رايك بصراحة

تعلمت من مديرتي بأن القيادة ليست بالديكتاتورية وانما بان يكون القائد متواضع وقريب من الذين يرأسهم
شكرا مديرتي

تعلمت من مديرتي احترام وتقدير والثناء على العمل سواء كان جيدا او فوق المتوسط

شكرا مديرتي

تعلمت من مديرتي: أن مهما كان منصبي أعلى من شخص ثاني لازم الحواجز اللي بينها وبين مدرساتها يكون فيها مرووووووووووووووووونه وهذا أحلى شي فيها ولا أنسى طبعا نائبتي الإدارية صراحه بس غيابها يوم مانستحمله والله يخليها لنا هي والمديره ويعطيهم ألف ألف عااااااااااااااااااااافية
وع القوة يا إدارة سعود بن عبدالرحمن

الصراحة أوافقك الراي يا (واثقة من نفسي) بالنسبة لي مهما شفت ما راح أشوف مثل مديرتي الغالية ....والكل صراحة في عز معاها .......يقول المثل :جرب غيري تعرف قديري....
وعلى القوة والى الأمام يا سعود بن عبدالرحمن

مديرتي طيبة وخلوقة ومتواضعة وتحب العمل لكن لوأهي من البدايه ماسكة المدرسة بالحزم والمتابعة جان صارت مدرستنا احسن مدرسة ولكن بعض المدرسات اللي تحتها ينقصهم الخبرة والجدية والاخلاص في العمل اتمنى لو ركزت المديرة على الاهتمام بمشاكل المدرسات واحتياجاتهم وتابعتهم اول بأول وماخلت التسيب يصير هذا رأيي

اللـه يعطيكم العافيـة على هالكلام المنصـف .....
وأنا شخصيـاً تعلمت أشيـاء كثيرة من دخلت مدرسـة سعــود ..
أهمها حب العمل والالتزام .......
والهمـة يا موظفات سعود بن عبدالرحمـن
لازم بنلاقي صعوبات وعراقيل لكن بالتعاون والعمل الجماعي نقدر نتجاوزها
بإذن الله .....
ونحقق انجـازات كبيرة على كافة الأصعــدة .....

نحترم رايك وصراحتك يا سميحة......لكن يبقى التعاون والعمل الجماعي مهمين مثل ما قالت متغلية علشان نتحدى الصعوبات ......لكن يبقى في كل مكان ناس شعارهم يالله نفسي....ولكن بنتحداهم أكيد...وعلى القوة يا سعود بن عبدالرحمن

أول شي اشكر من كانت وجهة نظرها مثلي لكن لاتنسون يد وحده ماتصفق يعني ان المديرة بروحه ماتقدر اتسوي شي بالمعنى الاكثر الله يعطي نائبتنا الادارية العافية مسكينه ماتقصر واحنا لازم انقدر هذا الشي خاصة ان اللي ندرسهم مش بنات صبيان يعني طاقتج تنفذ معاهم يعطيج العافية يا(مريم المالكي ) وماقصرتي يانائبتنا (عاشه) ..
وفالكم بيرق المجلس الأعلى يا إدارة سعود ..

آنه تعلمت من مديرتي الحب . وكيف أتعامل مع طلابي بطريقة الحب والثناء عليهم لكسب انتباههم واصغائهم .مثلما هي أحبتني وأثنت علي دائماً وهذا مايعني اني ما أخذت منها كم رشة لاكن كل رشاتها كانت في صالحي.
ولا انسى دور النائبة عائشة، الله يعطيها العافية والله ما في اطيب من قلبها.صدقوني يا مدرسات لو كل مدّرسة تقوم بواجبها بذمة وضمير لا يوجد اثر للمشاكل
مع حبي لمديرتي والنائبة ومدرساتي........ أحبكم

اولا أحب أشكرك لأنك واثقة من نفسك عبراتك صج صحيحة مديرتنا طيبه جدا جدا جـــــــــــــدددددددددا ونائبتنة الغالية وجودها اساس مدرستنا لو كل واجد منا عرف عمله زين فيه بأحلاص لصبحت مدرستنا أحسن مدرسة مشكورة يا متغلية ويا سميحه والله يعطيكم العافية

اشكرج يابنت النور على كلامج الحلو وانج انتي بعد مأيدتني في رأيي....

وبعدين لازم اتكون هناك مشاكل والواحد يتخلص منها ...وفي مدرسات صراحه ماعندهم أمانه في عملهم ...ومهما صار في النهاية الادارة تبغي مصلحتنا ومصلحة الطالب ...مش معناته أن اذا الادارة نبهتني على نقطة فيني غلط او عصبوا علينا انهم مايحبونا....
فكروا فكروا شوي لو انتوا مكانهم بتصرفون نفس الشي ويمكن أخس بعد
مع حــــبـــــي لكم
وفالكم بيرق التوفيق

الصراحة .......كلام يثلج الصدر...وان دل فانه يدل على الاهتمام والاحساس بالمسؤلية..
ولا تنسون ان الأصابع الخمس ماهي سوا...وبيدنا احنا نصل الى التميز والابداع والتألق ......
تحياتي للجميع .....واثقة من نفسي ....وبنت النور ....وأحلى تحية لأحلى مديرة

وش سالفة التقارير يا إداره